紫宸

Open Now

Now Closed

突然好想食台灣野，突登搭車黎試下呢間台式餐廳🤓覺得呢間嘅餐廳名好特別好文青，跟住餐廳環境都幾清雅，有種小溫馨感覺比到我🫶🏻主食嗌左個鹽酥雞滷肉飯，賣相好靚，而且鹽酥雞又有好多粒好香脆，撈埋啲滷肉同汁一啖食落口，真心食得得勁滋味😍小食揀左個甜不辣，以呢個定價黎講，份量絕對多到有突，個醬一定要點埋黎試，好開胃架！！最後仲有一成未飽，所以嗌埋個蚵仔煎，好食到痴線呀😍😍除左蚵仔粒粒都夠肥大脹卜卜，完全冇沙好鮮甜，蛋都煎得剛好夠熟唔會過老。總之呢碟野勁高質同下次都勁想再食！