Video
Read full review
5 day(s) ago
0 views
今晚去呢間美式餐廳用餐，某程度上係回憶，年青時不時同朋友去食。選擇呢間分店係因為當時嘅朋友已經係呢個屋苑嘅業主。環境佈置幾有美式餐廳感覺，有吧枱，用餐或飲野都得。電視播住足球比賽睇緊食咩，侍應送來呢客welcome bread，仲有個鬆餅。配以士多啤梨牛油，食落帶少少甜，用黎搽包食又幾特別。指定動作當然係先食沙律，幾款沙律中，呢份超營沙律 ($138/半份)成為今餐之選。幾種蔬菜包括菠菜，火箭菜及西蘭花，入面仲有藜麥，烤松子仁，藍莓及啤梨，全部食材都係健康類。再淋上野莓酸醋汁，綠中一點紅，一份沙律有齊幾種口感。小食方面，就選擇唔係咁多地方食到嘅香炸磨菇 ($98)炸物緊係要趁熱食，唔算太厚嘅炸漿包住菇塊，配東方蛋黃醬，味道甜甜地，好快被”消滅”。哈哈…..食緊香炸磨菇之際，呢杯檸檬冰茶 ($42)就出現，糖漿自己加，甜度自己話事。驚喜嘅係可以添飲。主菜方面，簡單地點選自家製肉丸意粉 ($188)，美式食物果然份量夠多。肉丸寫明係牛肉丸，仲要自家製，幾大粒，入口夠紮實; 而用蕃茄醬去調味，酸酸甜甜咁可以中和下肉丸嘅”澎湃”感。每條意粉都掛醬，單食都好味。令一款美式食品代表點少得漢堡?!
環境佈置幾有美式餐廳感覺，有吧枱，用餐或飲野都得。
電視播住足球比賽
睇緊食咩，侍應送來呢客welcome bread，仲有個鬆餅。
配以士多啤梨牛油，食落帶少少甜，用黎搽包食又幾特別。
指定動作當然係先食沙律，幾款沙律中，呢份超營沙律 ($138/半份)成為今餐之選。
幾種蔬菜包括菠菜，火箭菜及西蘭花，入面仲有藜麥，烤松子仁，藍莓及啤梨，全部食材都係健康類。再淋上野莓酸醋汁，綠中一點紅，一份沙律有齊幾種口感。
小食方面，就選擇唔係咁多地方食到嘅香炸磨菇 ($98)
炸物緊係要趁熱食，唔算太厚嘅炸漿包住菇塊，配東方蛋黃醬，味道甜甜地，好快被”消滅”。哈哈…..
食緊香炸磨菇之際，呢杯檸檬冰茶 ($42)就出現，糖漿自己加，甜度自己話事。驚喜嘅係可以添飲。
主菜方面，簡單地點選自家製肉丸意粉 ($188)，美式食物果然份量夠多。
肉丸寫明係牛肉丸，仲要自家製，幾大粒，入口夠紮實; 而用蕃茄醬去調味，酸酸甜甜咁可以中和下肉丸嘅”澎湃”感。每條意粉都掛醬，單食都好味。
令一款美式食品代表點少得漢堡?! 呢客就係德州大漢堡 ($198)，配菜有薯條/蕃薯條/雜菜沙律三選一，另有醃青瓜及椰菜沙律。典型美式漢堡組合。
為咗方便食及同友人分享，切開一半，輕易見到有咩餡料。鬆軟飽下有牛油果蓉，紫洋蔥，紅椒，芝士，生菜蕃茄及牛肉漢堡。件牛肉漢堡咬落唔會散開，仲食到有肉汁，配合埋半溶掉嘅芝士，就係呢種味道。炸蕃薯條都好好食。
今餐真係超飽，侍應問需唔需要D甜品? 口裏想說好但身體卻很誠實，應該有機會嘅。
Post
