Video
Read full review
2023-04-17
18 views
[ 炭火Dining 炎 ]朋友介紹呢間位於灣仔嘅日式餐廳，主打以備長炭爐烤製日式串燒🇯🇵🍢，係餐廳門口已經感受到好有日本特式。😍餐廳座位係U型吧枱，圍繞住大廚們嘅開放式廚房。串燒可叫單點，也可叫十多道菜嘅廚師發辦omakase。✿ 廚師發辦 $888/人套餐以串燒🍢為主角，會定期轉換食材，有齊前菜、燒物、主菜及甜品。前菜賣相好精美，有味噌漬蠔配海膽醬🦪、芥末八爪魚🐙、蛋卷等，非常開胃。😋串燒（共8本）海鮮一本、鳥四本、野菜二本、牛或羊一本「海鮮一本」係北寄貝，肉質爽口鮮甜，貝殼有湯汁索盡精華。「鳥四本」分別係雞腿、免治肉棒、雞中翼&雞心。雞腿選用日本🇯🇵博多華味雞🐔，雞肉結實彈牙，以檸檬清酸提味；免治肉棒好特別，將雞肉🐔及鴨肉🦆混合，配埋有松露油嘅蛋黃，味道更香；雞中翼🐥有兩隻，皮肉燒得油脂好香；雞心有質感，以醬汁調味，無內臟腥味。「野菜二本」係燒豆腐&白粟米。豆腐先炸後燒，外層脆卜卜，入面好軟滑😋；白粟米🌽配以牛油燒，超香甜。「牛或羊一本」係燒羊架🐏，肉嫩juicy無羶味。炸物沙錐魚🐟炸得好香脆，味道鮮美無腥味。主菜「鴨胸冷烏冬」：鴨胸🦆肉嫩，湯底加咗冰塊更加涼浸浸。烏冬較幼身，滑
朋友介紹呢間位於灣仔嘅日式餐廳，主打以備長炭爐烤製日式串燒🇯🇵🍢，係餐廳門口已經感受到好有日本特式。😍
餐廳座位係U型吧枱，圍繞住大廚們嘅開放式廚房。串燒可叫單點，也可叫十多道菜嘅廚師發辦omakase。
✿ 廚師發辦 $888/人
套餐以串燒🍢為主角，會定期轉換食材，有齊前菜、燒物、主菜及甜品。
前菜
賣相好精美，有味噌漬蠔配海膽醬🦪、芥末八爪魚🐙、蛋卷等，非常開胃。😋
串燒（共8本）
海鮮一本、鳥四本、野菜二本、牛或羊一本
「海鮮一本」係北寄貝，肉質爽口鮮甜，貝殼有湯汁索盡精華。
「鳥四本」分別係雞腿、免治肉棒、雞中翼&雞心。
雞腿選用日本🇯🇵博多華味雞🐔，雞肉結實彈牙，以檸檬清酸提味；免治肉棒好特別，將雞肉🐔及鴨肉🦆混合，配埋有松露油嘅蛋黃，味道更香；雞中翼🐥有兩隻，皮肉燒得油脂好香；雞心有質感，以醬汁調味，無內臟腥味。
「野菜二本」係燒豆腐&白粟米。豆腐先炸後燒，外層脆卜卜，入面好軟滑😋；白粟米🌽配以牛油燒，超香甜。
「牛或羊一本」係燒羊架🐏，肉嫩juicy無羶味。
炸物
沙錐魚🐟炸得好香脆，味道鮮美無腥味。
主菜
「鴨胸冷烏冬」：鴨胸🦆肉嫩，湯底加咗冰塊更加涼浸浸。烏冬較幼身，滑嘟嘟爽口彈牙。
甜品🍰
廚師發辦套餐包甜品，一次過可以品嚐到3款甜品，有豆乳芝士蛋糕、朱古力布朗尼、黑豆栗子菓子，味道不會太甜，最欣賞豆乳芝士蛋糕，豆乳味香濃，入口細滑。
除咗廚師發辦套餐，亦都散叫幾款串燒。😋
期間限定
✿ 雞胃 $58
雞🐔特別部位，口感好特別，有咬口，甜甜地無內臟腥味。
✿ 青提豚肉卷 $58
以豚肉🐷包住青提。青提好清甜，夾雜住豚肉香味，無油膩感。
✿ 海老雞皮卷 $108
以薄身雞皮🐔及紫蘇葉🌿捲著原隻海蝦🍤，燒至微焦甘香。雞皮烤得好脆，蝦肉鮮甜夾雜紫蘇幽香。
恆常餐牌
✿ 雞尾 $48
烤得好脆好香口，無異味。
✿ 白鰻 $78
外皮烤得香脆，帶檸檬汁及微微麻辣口感，配搭幾特別。
✿ 黑毛和牛舌 $108
牛舌🐮👅厚切成粒狀，烤得好嫩滑，滿口肉汁。🤤
總結🫦
串燒以備長炭爐烤製，火力平均，燒物帶炭香。餐廳整體環境空間大，設計樸實簡約具日本風格，而店員們好friendly會同客人互動，有如置身日本小店，氣氛相當唔錯。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
炭火Dining 炎
地址：灣仔謝斐道392-402號維新大廈地
下B及C號舖
電話：2633 2316 / 6139 6016
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Post
