瀛素食 (Closed)

同一位同事擇日嚟試吓公司附近嘅素食餐廳。12點半入去已經有五乘坐滿客。決定叫一份「燒汁烤鰻魚燴飯」同埋「黑椒翠肉瓜炒牛柳燴飯」同我同事share食。其實本人最熱切期待飲佢跟餐嘅素燉湯。平時散叫一盅都要$30！！今日嘅湯係粟米紅蘿蔔蓮藕，唔知仲有無其他料。先講「燒汁烤鰻魚燴飯」，佢係大碗上，配菜有炒椰菜什菜同粟米粒。個汁都幾野味。味道整體上都唔錯，但唯獨比較失色嘅係粟米粒，粒粒都縮哂水賣相唔靚之餘口感都唔太好。所以我下次會要求走粟米！至於「黑椒翠肉瓜炒牛柳燴飯」，佢個汁料味道偏濃，本人覺得重味咗d。白飯又略帶乾。