大尾篤麥師傅 (Closed)

今日見天氣凍左小小就同另一半黎大埔大尾篤bbq 💕其實交通都幾簡單係大埔區內有小巴直接到行多兩步就到❤️🤗收費一啲都唔貴入面已經包左爐費 兩張飲品券 我地仲額外買左一個網同綿花糖❤️佢一開始就會比左一盤default 左既食物盤我地咁入面會有豬扒牛扒雞扒 咖哩魷魚 同埋廚師腸 各類丸之類透好爐我地就開始了!!由於師傅幫手透爐,所以火候都控制得幾好😂😂加埋我哋另外買嗰個網令到食物更加易熟❤️❤️另外本身入場已經包埋蜜糖好貼心🤣食到咁上下,我哋就可以拎嗰個食物盤出去refill佢refill嘅地方都幾易睇到而且空間幾大，又唔同嘅食物俾大家揀喺睇到唔同嘅種類嘅時候❤️就可以同定師傅講，佢會幫手執野食❤️其中淨係雞翼已經有幾款自己最鐘意香草雞翼 仲要有全翼or 中翼好貼心扒都有唔同type 自己覺得豬扒,雞扒最易控制而家燒得好既話係特別juicy 🤣不過而家都好適合一家人黎小朋友仲可以玩撈金魚有d 綠化空間for 小朋友放電都唔錯 ❤️🤣連玩具部都有埋 真係應有盡有😂大量罐裝野飲都係8蚊券就換到 如果要樽裝就補幾蚊咁我自己好鍾意似支裝茶所以加多5蚊淨買既話都唔貴同便利店價錢唔差好遠🤣基本上呢間我都幫襯左好多