十八夢

趁住假日，同友人去咗銅鑼灣嘅十八夢餐廳享受不一樣的午餐，全程大約兩小時美食劇場體驗 香港首創5D夢幻沉浸式美食劇場，帶你進入一個全感官體驗嘅異世界 - 捕夢之旅，由2月14日晚上開始公演，由詹瑞文擔任監製，用夢想做主題，配合埋話劇，舞蹈員及演員會係觀眾席之間表演，而台下嘅觀眾可以同表演者有互動接觸，可以一路睇舞台劇、一路食飯，真係夠哂特別嘅體驗 餐湯係 [ 夢海浮沉 ] 賣相夠特別，湯係羅馬蕃茄羅勒湯，用咗一個好有神秘感嘅壺裝住啲湯，配上脆口麵包粒，口感酸甜開胃 前菜係 [ 舊歡魚夢 ] 用一個磨砂透明玻璃盒裝住，打開嘅時候仲有隻蝴蝶飛出嚟，賣相好精緻，刺身由日本直送，全部都極之新鮮，有鮮甜海膽、爽脆魚籽配肥美生蠔、牡丹蝦蝦肉極甜美、鮮甜爽口嘅帶子、甘甜油甘魚，真係超正 主菜係 [ 夢朱豬 ] 用慢煮方式煮嘅豬鞍，可以鎖住肉汁，兩邊煎到金黃色，咬落去肉質嫩滑，再配上蘋果+無花果嘅特製果醬，果醬酸酸甜甜夠哂開胃，令豬鞍味更突出，配合埋幾款蔬菜及薯蓉，口感豐富 最後嘅甜品係 [ 甜椰椰夢歌 ] 賣相夠特別，琴鍵造型嘅白朱古力，甜品形狀係一舊白雪雪嘅雲，口感似雪糕嘅椰子慕絲，包住中間嘅軟心芒