Video
Read full review
2021-12-02
1027 views
又到咗中午唔知食咩好嘅時間，行勻附近幾間餐廳都爆哂棚，結果行過呢間車仔麵門口，見到人少少就決定入去試下，食完之後覺得係一個驚喜！首先，門口有一位叔叔好親切地招呼門口徘徊嘅人(我諗佢係老闆嚟)，好落力咁叫人入去食~一入到去，發現店內環境好過一般車仔麵檔好多，夠光猛、通道夠闊落，呢一點已經贏得唔少分；再之後填野食，菜單嘅字大大隻，夠哂清楚，成件事真係啱哂我呢啲返工已經好攰、食飯唔想再花費精神睇菜單嘅人！我嗌咗時菜、魚餃同埋豬扒，三餸一米線嘅組合($35)，加$8配一杯凍朱古力(凍熱、汽水同價)，總共盛惠$43！就咁睇，價錢真係好吸引，等我講埋味道先，三個餸都夠入味，配合清清地嘅牛腩汁湯底，味道相當唔錯！野飲方面相對較為失色，可能佢撹得唔夠勻循，令部分朱古力結塊，無溶到落杯野飲度，加上冰塊太多，而且唔係碎冰，所以呢一點要扣少少分，但整體而言，午餐味道評分高；份量方面正常，想食多啲嘅朋友可以嗌多個餸又或者加底！總括嚟講，性價比相當之高，大家經過灣仔譚臣道不妨一試~
首先，門口有一位叔叔好親切地招呼門口徘徊嘅人(我諗佢係老闆嚟)，好落力咁叫人入去食~一入到去，發現店內環境好過一般車仔麵檔好多，夠光猛、通道夠闊落，呢一點已經贏得唔少分；
再之後填野食，菜單嘅字大大隻，夠哂清楚，成件事真係啱哂我呢啲返工已經好攰、食飯唔想再花費精神睇菜單嘅人！
我嗌咗時菜、魚餃同埋豬扒，三餸一米線嘅組合($35)，加$8配一杯凍朱古力(凍熱、汽水同價)，總共盛惠$43！就咁睇，價錢真係好吸引，等我講埋味道先，三個餸都夠入味，配合清清地嘅牛腩汁湯底，味道相當唔錯！野飲方面相對較為失色，可能佢撹得唔夠勻循，令部分朱古力結塊，無溶到落杯野飲度，加上冰塊太多，而且唔係碎冰，所以呢一點要扣少少分，但整體而言，午餐味道評分高；份量方面正常，想食多啲嘅朋友可以嗌多個餸又或者加底！
總括嚟講，性價比相當之高，大家經過灣仔譚臣道不妨一試~
Post