和平飯店 (V Walk) (Closed)

去左南昌地鐵站上蓋的V·Walk行街，呢個商場這一兩年新開，好新淨，食完飯可以同小朋友行過對面馬路嘅南昌公園玩。今日我哋去咗和平飯店食Lunch，因為喺牛角做咗會員，原來同和平飯店係同一集團，所以都可以用會員卡，不過今次我地叫二人餐，用了匯豐信用卡的優惠，所以冇得用會員折扣，但照樣可以儲分。二人餐的分量超多，前菜主菜都好豐富，包括有花雕醉雞，老乾媽伴大豆芽牛展，濃湯竹笙雜菌浸小白菜，黃金蝦球，砂鍋醃篤鮮，雞火炒飯，小籠包，高力豆沙。砂鍋醃篤鮮的湯超級好飲，小籠包都好好味，甜品係我最愛的高力豆沙，店員都好細心，我地食完正餐先上甜品。去過咁多餐廳，和平飯店係唯一一間安排了專門執枱嘅專員，有穿黃色已表示佢係執枱專員。咁樣可以喺疫情下放心食，上菜點菜嘅職員同執枱嘅職員係唔同，唔怕人哋啲口水掂到自己啲餸，好細心！