Video
Read full review
2022-06-27
448 views
咁啱黎開呢頭就食呢開車仔麵先，之前食過覺得佢幾好食，環境仲唔錯㗎，唔似一般車仔麵店。首先鐘意佢獨立位，唔迫得黎又多位擺野，仲有個手機架可以放下雜物。另外佢啲用具幾乾淨，無黏立立又無蚊仔。用QR Code落單好方便，介面易用，仲即時睇到有咩已經賣晒。枱面呢個辣椒油同菜脯都係自家製，辣度唔高但好好味，強烈建議一定要加落碗麵度，哈哈。公司車仔麵自己叫左碗公司車仔麵，懶得諗食咩餸，一次過有晒都幾好。湯底要左原味，鮮甜濃味唔錯噃。餸方面個人覺得牛腩軟腍大腸入味，呢兩樣最好味，另外蘿蔔好甜又無渣都好好食。麵條要左油麵，吸湯一流。自選三餸車仔麵朋友叫左腩肉、漢堡扒、回鍋肉麻辣湯底大辣公仔麵仲要加底，仲加埋秘製辣汁，碗麵黎到真係幾紅食㗎，試左一試佢個湯底，幾麻幾香，辣度唔算太勁，飲完無舌頭發麻嘅感覺，朋友仲加埋枱面嘅辣椒醬去加辣添。麵條本身要出前一丁要加四蚊，加底再加八蚊，兩個丁麵咁幾抵喎，呵呵，超大碗呀。豚肉白菜炸餃子跟餐有優惠價加小食，叫左碟炸餃子，有五隻大大隻，炸得香口幾好食。勁脆香辣炸雲吞朋友就加左碟炸雲吞，同名一樣真係勁脆，加埋個甜辣醬好味噃。腩汁菜心大家碗麵都無叫菜，就散點一碟灼菜心啦，菜
首先鐘意佢獨立位，唔迫得黎又多位擺野，仲有個手機架可以放下雜物。另外佢啲用具幾乾淨，無黏立立又無蚊仔。用QR Code落單好方便，介面易用，仲即時睇到有咩已經賣晒。
枱面呢個辣椒油同菜脯都係自家製，辣度唔高但好好味，強烈建議一定要加落碗麵度，哈哈。
公司車仔麵
自己叫左碗公司車仔麵，懶得諗食咩餸，一次過有晒都幾好。湯底要左原味，鮮甜濃味唔錯噃。餸方面個人覺得牛腩軟腍大腸入味，呢兩樣最好味，另外蘿蔔好甜又無渣都好好食。麵條要左油麵，吸湯一流。
自選三餸車仔麵
朋友叫左腩肉、漢堡扒、回鍋肉麻辣湯底大辣公仔麵仲要加底，仲加埋秘製辣汁，碗麵黎到真係幾紅食㗎，試左一試佢個湯底，幾麻幾香，辣度唔算太勁，飲完無舌頭發麻嘅感覺，朋友仲加埋枱面嘅辣椒醬去加辣添。麵條本身要出前一丁要加四蚊，加底再加八蚊，兩個丁麵咁幾抵喎，呵呵，超大碗呀。
豚肉白菜炸餃子
跟餐有優惠價加小食，叫左碟炸餃子，有五隻大大隻，炸得香口幾好食。
勁脆香辣炸雲吞
朋友就加左碟炸雲吞，同名一樣真係勁脆，加埋個甜辣醬好味噃。
腩汁菜心
大家碗麵都無叫菜，就散點一碟灼菜心啦，菜爽甜翠綠，配上腩汁特別好食。
凍檸茶&紅豆冰
飲品要另加，叫左凍檸茶走甜，茶底香又夠凍，正。朋友嘅紅豆冰重奶味，唔過甜都幾好飲。
下午茶時段黎食客不多，慢慢食，食左差唔多兩個鐘先走人，好少預到一間咁好坐嘅車仔麵店嘛。
Post
