蒲東小館 (彌敦道) (Closed)

係香港食上海菜，總離唔開幾個選擇，但其實有好多小店。係附近行街見到蒲東小館，見入面都坐左唔少人，一於走入去試。食親上海菜必點小籠包、上海粗炒、生煎包、紅油抄手。呢間既小籠包不過不失，上菜時無熱騰騰既感覺，而如果個皮薄d會更加好；上海粗炒就略嫌太油；生煎包味道一般，個底煎得唔夠脆口，亦唔夠多汁，上菜時亦似乎凍左少少。整得最好食就係紅油抄手，我本身唔係好食得辣，但都忍唔住食完一隻又一隻，辣油好香，皮薄多汁，相當開胃。