素一 (Closed)

現時嘅素食餐廳除左標榜健康之外，齋菜款式國際化，例如，日式齋刺身、中式素食生炒骨、西式素食薄餅等等，都係新派素食之一，吸引左唔少年輕一族，讓素食文化愈趨年輕化，近年好多餐廳都推岀素食自助餐，不過款式同種類未必多元化。不過，呢間位於銅鑼灣嘅素一，有六十款菜式仼你食，星期一至五晚市$168，假日都只係$188，係我食過最多選擇又平嘅素食自助餐。甫入餐廳，燈光火著、座位寛闊，有沙發椅提供，餐廳環境舒適，已經相比其他素食自助餐優勝一點！除左自助區嘅食物，每枱客人均有一碟素食咕嚕骨，及每人一盅姬松茸冬蟲花粟米燉湯。酸酸甜甜嘅冰鎮咕嚕骨，賣相同真嘅無差別，而冬蟲草燉齋湯幾鮮甜，第一次飲燉齋湯好似飲緊肉湯咁嘅味道。食完餐廳送嘅一餸一湯，就開始自助餐仼食啦！首先中式齋菜，有豆香味豐富嘅豆腐魚入口即融、重口味嘅齋滷味、上海烤麩，還有各式各樣嘅中式點心等等。而西式嘅齋菜，當然有我最愛嘅素菜薄餅啦，靜係芝士，蕃茄，素火腿已經夠曬惹味，仲有香草焗法包，清新開胃嘅雜菜沙律，及印度串燒。而令我最推薦嘅一定係日式素食，話曬香港人都係崇日份子，呢度嘅日式素食種類都比較多，啱曬香港人口味！素三文魚、赤蝦、鰻魚各款都有壽