Video
Read full review
2018-08-06
405 views
去到megabox可能大家都會發覺野食既選擇真係唔係咁多，所以就造就左九龍灣ikea餐廳基本上係長期都咁多人。ikea餐廳好強調佢地來自瑞典，但係好老實講，我又唔係太分得出ikea瑞典菜同普通西餐有咩好大既分別喇。不過本人就真係無去過瑞典，呢方面就再去過瑞典既朋友去評價啦。先講環境其實都算係幾舒服，樓底好高，坐位之間既距離都合理。ikea身為一家賣居家用品既公司，其實都投放左唔少心思入去。例如，有個位置可以比小朋友放電既地方，家長可以食住野咁睇小朋友玩。又例如呢度既燈係款式係特別多，裝飾都係用ikea貨品為主。可以講，就算你食緊野都係佢地showroom裡面咁。係呢度係採用全自助既形式，睇左menu就排隊可以叫野食。而因為呢度係長期多人既關係，有時係覺得都幾混亂。而當日有啲廳盤就有啲食物碎係上面，明顯係清潔唔乾淨。香烤三文魚柳 - 疑似無烤過既三文魚，配以類似忌廉汁，蔬菜和薯容。首先個三文魚就都幾明顯係好鞋口，但係唔乾身。所以我覺得似係用水煮過頭，而且三文魚塊裡面除左三文魚味之外就無其他味道。忌廉汁就有啲甜配個無味既三文魚都可以。而蔬菜都應該無咩特別味道。薯容就不過不失，同平時食到既差
先講環境其實都算係幾舒服，樓底好高，坐位之間既距離都合理。ikea身為一家賣居家用品既公司，其實都投放左唔少心思入去。
例如，有個位置可以比小朋友放電既地方，家長可以食住野咁睇小朋友玩。
又例如呢度既燈係款式係特別多，裝飾都係用ikea貨品為主。可以講，就算你食緊野都係佢地showroom裡面咁。
係呢度係採用全自助既形式，睇左menu就排隊可以叫野食。而因為呢度係長期多人既關係，有時係覺得都幾混亂。而當日有啲廳盤就有啲食物碎係上面，明顯係清潔唔乾淨。
香烤三文魚柳
68 views
0 likes
0 comments
香烤三文魚柳 - 疑似無烤過既三文魚，配以類似忌廉汁，蔬菜和薯容。首先個三文魚就都幾明顯係好鞋口，但係唔乾身。所以我覺得似係用水煮過頭，而且三文魚塊裡面除左三文魚味之外就無其他味道。忌廉汁就有啲甜配個無味既三文魚都可以。而蔬菜都應該無咩特別味道。薯容就不過不失，同平時食到既差不多。
蔬菜薯餅
61 views
0 likes
0 comments
蔬菜薯餅 - 薯餅味道方面都係類似係忌廉同薯仔既味道。口感方面，因為本身有少少煎過，有少少香口，間唔中仲食到少少西蘭花既碎。個人就覺得幾好味。
香草三文魚沙律
50 views
0 likes
0 comments
香草三文魚沙律 - 煙三文魚，沙律菜配以香草醬。煙三文草如果就咁食就偏咸少少，如果落返檸檬汁就中和返啲咸味同提鮮就好味啲。沙律菜就略為少左少少，不過都好新鮮。香草醬本身係甜甜酸酸係出面係未食過，配係沙律係幾好味。
肉丸
47 views
0 likes
0 comments
瑞典肉丸 - 比較肉味濃，而且都幾香口。最重要既只係20蚊10粒，基本上大家黎到都會叫既菜式。
小食拼盤
48 views
0 likes
0 comments
小食拼盤 - 雞翼，脆皮腸，薯角，粟米。雞翼炸得太乾身，薯角同脆皮腸幾好味。
最後，因為呢度係自助式餐廳既關係，希望大家都可以食完野將用過既餐具放係收集處。等下一手食客可以用返張枱。
而如果你地係ikea餐廳食過好味既野，其實都可以去cashier後面既瑞典美食郎買返屋企食。我就見過薯餅，肉丸加肉丸汁，煙三文魚，三文魚排，連茄汁都有得賣，鐘意就買返屋企煮黎食喇。
Post
