一起 (Closed)

孜然燒雞中翼特別對半𠝹開，串住燒更入味，孜然粉均勻塗抹，啖啖肉。鹽燒雞軟骨 雞軟骨外面脆一脆，連住細舊肥肉食，咀嚼多番滋味十足，令我諗起去長洲掃街食過嗰串雞軟骨。山椒燒豬頸肉串煙韌有肉地，山椒喺燒烤過程當中，已同豬頸肉融為一體。山葵章魚串攻鼻帶勁，帶給味蕾點點刺激，不過沒有掩蓋章魚的原本味道，係串燒店較少用的調味，幾有新鮮感。川燒翠玉瓜可以用「爆汁」形容，通常串燒都俾人一種乾睜睜嘅感覺，但呢款蔬菜緩和返食串燒嗰種dry同埋油膩感。百里香燒雞肉串百里香呢款迷仔香草令雞肉增添風味，烤熟度適中，絕不令你失望。蒜蓉燒原條茄子大小接近一份迷你方形pizza ，食得出胡椒/少少辣椒碎的微辣，加埋超級多蒜，茄子肉又烤得軟綿綿，不失水準。話梅燒菠蘿朋友和我最愛的一味，咬的每一口都非常juicy 多汁、即叫即燒仍然温熱，口感冧中帶實，畫龍點睛之處：灑滿一面的話梅粉，味道比例係👉🏻酸甜甜。煎雞軟骨餃子（六隻）口感，香脆軟熟、有蔥花，較有飽肚感，不錯不錯。凍果茶（百香果味）茶和果香平衡。