Video
Read full review
2024-09-09
208 views
天鳥居酒屋 Tentori Izakaya📍天水圍天華路33號T Town North 2樓N212號舖星期五放工，朋友陪我返屋企，就腳哋搵咗間喺T town，食過一次嘅日式餐廳醫肚仔。本來打算食定食同串燒，但見到晚市任食火鍋放題好似更抵食，所以揀咗豚肉套餐試試。 💰$198/成人 (星期一至五）任食火鍋放題 🍲五花腩豚肉套餐 🐖(7:30前離座$168、8:30後入座$178)呢款套餐全場最平，另有三款牛類供選擇。豚肉套餐主打五花腩豚肉、鮮雞件同73款配料小食。餐廳提供9種湯底，想要鴛鴦鍋只需多加$20，蕃茄鍋、日式壽喜燒鍋、朝鮮泡菜鍋、鵝血麻辣鍋、胡椒豬肚鍋、北海道昆布豆腐鍋同兩款養生雞鍋，任君選擇。我哋揀選較有特色又滋補嘅藥膳醉雞鍋，湯底以當歸、雲苓、黨參等藥材，加上花雕同鮮雞件熬成，一鍋材料滿滿，滾起時散發微微酒香，真材實料。由於當日點嘅食物眾多，我哋揀咗幾款同大家分享，歡迎參考：五花腩豚肉 🥓套餐主角豚肉肥瘦相間，厚薄適中，肉色粉嫩，口感緊實但不韌，每次只上三至四片，可以慢慢享用，唔洗擔心肉片喺室溫放太耐，而心急一次過淥嚟食。牛肉薯餅 🥩平時接近廿蚊一塊嘅牛肉薯餅，呢個時候可
📍天水圍天華路33號T Town North 2樓N212號舖
星期五放工，朋友陪我返屋企，就腳哋搵咗間喺T town，食過一次嘅日式餐廳醫肚仔。本來打算食定食同串燒，但見到晚市任食火鍋放題好似更抵食，所以揀咗豚肉套餐試試。
[價錢 Price]
💰$198/成人 (星期一至五）
任食火鍋放題 🍲
五花腩豚肉套餐 🐖
(7:30前離座$168、8:30後入座$178)
呢款套餐全場最平，另有三款牛類供選擇。豚肉套餐主打五花腩豚肉、鮮雞件同73款配料小食。餐廳提供9種湯底，想要鴛鴦鍋只需多加$20，蕃茄鍋、日式壽喜燒鍋、朝鮮泡菜鍋、鵝血麻辣鍋、胡椒豬肚鍋、北海道昆布豆腐鍋同兩款養生雞鍋，任君選擇。
我哋揀選較有特色又滋補嘅藥膳醉雞鍋，湯底以當歸、雲苓、黨參等藥材，加上花雕同鮮雞件熬成，一鍋材料滿滿，滾起時散發微微酒香，真材實料。
由於當日點嘅食物眾多，我哋揀咗幾款同大家分享，歡迎參考：
五花腩豚肉 🥓
套餐主角豚肉肥瘦相間，厚薄適中，肉色粉嫩，口感緊實但不韌，每次只上三至四片，可以慢慢享用，唔洗擔心肉片喺室溫放太耐，而心急一次過淥嚟食。
牛肉薯餅 🥩
平時接近廿蚊一塊嘅牛肉薯餅，呢個時候可以盡情叫！牛肉碎混合香滑薯蓉再炸成可樂餅，金黃香脆叫人點忍得口。
萵荀片 🥒
多款蔬菜任點，但唯獨萵荀至得我歡心。將萵荀淥至半腍身即刻撈起，保留到翠綠嘅同事，每一片都吸滿藥膳醉雞湯底精華！
三重芝士大蝦反卷 🍱
日本餐廳唔少得日式料理，除咗數款小卷外，我非常推介大家一試三重芝士大蝦反卷。芝士同日式美乃滋混合，味道相輔相成，適量壽司米包裹住彈牙炸蝦，「芝」味滿分！
黑松露炸薯條 🍟
包皮薯條喺天鳥一大名物，再喺脆脆嘅薯條上灑上黑松露味粉，同點黑松露沙律醬，減肥都係留返聽日先啦，哈哈！
日式拉麵 🍜
每次食火鍋去到尾聲，再飽都總會想整多個公仔麵，但難得嚟到呢度，就緊係要淥返個日式拉麵食啦！拉麵麵質彈牙，煮耐咗都唔怕腍同斷，搭配醉雞湯異常哋夾，大推！
Post
