阿元來了 (北街)

Open Now

Now Closed

阿元來了搬到堅尼地城開店，店舖環境比西營盤舊店大好多，多位啲可以serve多啲客，不過依然係要同人搭檯，但張檯都比較細，相中就係同另外兩個人搭檯，當大家嘅野食都黎齊嘅時候，變相就好逼了，要不斷移動啲食物去就位。所以雖然位係多左，但並沒有好坐左好多。而且都要排隊等一陣，大概15-20分鐘左右，都尚算可接受嘅。食物方面，一如既往咁好，魯肉飯嘅肉整得香甜，連埋啲油撈飯真係一流。肉鬆起司蛋餅嘅起司同蛋配搭得好好。呢兩樣都係十分推介。至於炸魷魚鬚、芋圓同麵線就屬於不過不失啦。珍珠奶茶啲珍珠都整得唔錯，係有甜味嘅珍珠，喺食店嘅珍珠奶茶黎講算係ok。