牛極 (樂聲大廈)

Open Now

Now Closed

朋友仔搵我去据扒,  佢知道我唔食牛, 都搵間有豬既鋪頭食飯。呢間係半自助式既日式餐廳, 點菜要自己去自動點菜機去點, 款式唔多, 就得十左右, 主要係食牛既, 牛魔王既人就最啱去。點完菜就可以自己去攞任食沙津、 白菜及湯, 仲有自己可以調既醬汁。監於因為湯係牛湯, 所以我就無攞, 朋友仔就好鍾意飲, 仲飲咗幾碗, 話好香濃。而白飯當然係珍珠米, 我就食咗2碗, 軟硬適中, 仲另加紫菜芝麻, 好夾好香。而沙津我就加麻醬同醋, 甜酸度剛好, 當然都要好睇自己落既份量。上主菜時, 因為石燒所以不停仲咋咋聲, 而為了防止彈到客人, 所以石燒上放咗一張油紙。可能石板太熱, 所以我食比較底豚肉就覺得有D硬。而我朋友食牛肩排, 而石板夠燒, 佢就可以慢慢切開一舊舊燒, 而牛肉質好淋, 又唔會好似和牛咁多油。而飲品只有罐裝汽水選擇。簡單得黎又幾特別既選擇。