Video
Read full review
2019-09-13
224 views
呢間放題未裝修之前已經有食過，裝修之後第一次嚟食，我同朋友都覺得食物質素有所提升，6點半前入座只需$168加一，就算係宵夜時段，8點半已經有得食仲要再平$10。特別係三文魚腩刺身，肉質細膩，魚腩非常新鮮肥厚，口感爽滑，嗌多幾round已經覺得抵翻哂，而墨魚片同甜蝦都算爽口。壽司方面特別要推介黑松露帶子壽司，可能個人比較鐘意食黑松露，所以超級鐘意食，兩者好夾，鐘意帶子質感滑再加上入口時充滿黑松露既味道，而且好少見到放題有咁既配搭。火炙左口魚邊壽司、火焰XO醬和牛壽司、北寄貝壽司都值得推介。左口魚邊入口即溶、和牛鮮嫩唔會"韌"，北寄貝爽口。個人認為其實火焰系列都值得一試，而其他壽司都正常味道無咩特別唔好。呢個係單骨雞翼，之前係香口炸既單骨雞翼，依家就變左呢隻好似燒雞咁既雞翼，但味道相當唔錯，咬落仲係新鮮熱辣辣，肉質鮮嫩多汁，非常惹味。至於黃金燒蠔同蒜香燒蠔黎講就覺得黃金好食d，可能因為比較鐘意溶入左既芝士。呢個手打漢堡扒，個汁非常惹味，有d黑椒調味，幾juicy，會偏鹹同重味少少，食一塊會覺得幾滿足。飲品有好多選擇，亦都有得飲酒。甜品都有好多，不過食到太飽無食到。裝修完感覺好新淨，好色彩，
特別係三文魚腩刺身，肉質細膩，魚腩非常新鮮肥厚，口感爽滑，嗌多幾round已經覺得抵翻哂，而墨魚片同甜蝦都算爽口。
壽司方面特別要推介黑松露帶子壽司，可能個人比較鐘意食黑松露，所以超級鐘意食，兩者好夾，鐘意帶子質感滑再加上入口時充滿黑松露既味道，而且好少見到放題有咁既配搭。火炙左口魚邊壽司、火焰XO醬和牛壽司、北寄貝壽司都值得推介。左口魚邊入口即溶、和牛鮮嫩唔會"韌"，北寄貝爽口。個人認為其實火焰系列都值得一試，而其他壽司都正常味道無咩特別唔好。
呢個係單骨雞翼，之前係香口炸既單骨雞翼，依家就變左呢隻好似燒雞咁既雞翼，但味道相當唔錯，咬落仲係新鮮熱辣辣，肉質鮮嫩多汁，非常惹味。
至於黃金燒蠔同蒜香燒蠔黎講就覺得黃金好食d，可能因為比較鐘意溶入左既芝士。
呢個手打漢堡扒，個汁非常惹味，有d黑椒調味，幾juicy，會偏鹹同重味少少，食一塊會覺得幾滿足。
飲品有好多選擇，亦都有得飲酒。甜品都有好多，不過食到太飽無食到。
裝修完感覺好新淨，好色彩，呢個價錢既食物質素算係幾好，間中黎食係唔錯既選擇，經濟實惠又好食。
Post
