組長日式放題 (Closed)

平時都好少食放題，　但係今日想平平地食餐勁嘅就約左朋友黎組長。咁依個價位我都唔會要求築地嘅質素，反而佢部分選擇係我估唔到放題有得食，以下食物係我比較推介。香煎鵝肝幾香口，可惜塊包太油。海膽花之戀好足料唔會成口飯。牛舌好腍冇根,encore 左兩次。依個鍋係送嘅，留意返配料要另外收費。花膠爽脆彈牙，食完刺身飲啖湯暖下胃都好。 燒菠蘿一直係我至愛，食左十舊左右，燒完更加香甜多汁。鰻魚肥美嫩滑又夠煙韌,十分推介。刺身未至於好新鮮，但選擇多，好surprise竟然有劍魚。芝士焗扇貝好creamy,個味唔會太假。燒三文魚頭，皮燒得香，滿口魚油香，正！有任飲清酒，梅酒，不過朋友話一般。 食物都ok,未至於樣樣好食，但係服務好好，完全無溜單，我唔小心倒瀉野，有位好瘦紮馬尾靚女店員拖完地，仲主動俾紙巾我抹袋，真係唔好意思。