富山和食料理屋 (Closed)

今日去左食依間富山，路過好幾次但冇食過，入到去人都唔多，我地兩人就坐窗邊的4人位置見到有個二人餐，仲要好似幾多野都係$298，就即管會一會佢。 但我地都怕依個價錢會份量唔夠都叫多左個原隻燒魷魚，打打底😎前菜竟然係最唔鍾意嘅海苔，但又唔太腥，又好似碗面咁大碗……然後就係蟹籽沙律，又係超多蟹籽勁大碗，大碗過你食放題跟住就係刺身同壽司，刺身每人有一片，有3款，三文魚，油甘魚同甜虾，都算相當新鮮，但就唔太厚；而壽司就係三文魚，八爪魚同玉子，每人一件天婦羅就每人一個炸虾，但味道就好淡；而鹽燒鯖魚就味道可以，反而個蜆湯就覺得似係味精水加一隻蜆最喜出望外係個牛肉鍋配烏冬，牛肉份量勁多，係甜豉油做湯再加上個烏冬竟然每人有2大碗最後就係我地隻魷魚竟然要打包，因為真係飽到喊，份量勁夠, 以依個價錢，仲想點woo...