龍鳳祥餃子館 (Closed)

附近買完遊戲機見肚餓就梗係要搵野食，平得黎又唔洗逼第一時間唸到就係西九龍。上左自動電梯就見到依間野。7點多8點啦，都有的人排隊，見到的野食樣子唔錯又唔貴，得以一試。今次3個人，叫左一個口水雞，一個炸醬撈麵，一個麻醬冷麵，十隻湯餃，十隻煎餃，再追加一碗酸辣湯同5隻素菜餃，分量好足，唔似人地個的碗大份量小。麵食味道唔太濃，值得一讚既係個湯餃，叫左個牛肉湯底，附上幾粒牛肉，個湯底好香，好似台灣牛肉麵個的咁，可惜今次係叫湯餃，如果配麵應該會更正，下次要再試。