校長燒肉日韓料理 (大埔廣場)

Open Now

Now Closed

有一段時間冇嚟校長燒肉，人流已經比以前少咗好多。每個座位上面都有一個燒烤盤同埋一個火鍋，可以同時使用。除咗火鍋及燒烤配料，一啲生、熟食品例如魚生及壽司極都係任君選擇。始終唔係日式餐廳，魚生及壽司質素普通，正常發揮。燒烤方面，有豬、牛、及雞等等醃肉，不同款式及調味料選擇。火鍋湯底可選擇壽喜燒及豬骨湯湯底，火鍋配料方面有一般嘅丸類及餃類可供選擇。飲品方面，一般嘅茶，果汁及啤酒都有提供。最令人驚喜嘅係有支裝維他奶，仲要係擺咗喺一個暖櫃裏面，即刻拎返支嚟試試，童年回憶。