糖室 (Closed)

同朋友係深水埗食完晚飯，諗住消下濟特登行到石硤尾再食糖水🙊。行到身水身身下，緊係叫翻個冰黎食下啦。價錢對比起其他糖水鋪頭真係便好多，一個冰先唔洗四十蚊。咁既價錢都無expect有幾高質🙈，我地叫左個宇治抹茶冰，果然個冰真麻麻地。雖然睇落份量都唔細，但食落就硬刮刮，可能係自己用手打碎既冰，所以無咁幼細，要咬碎d冰先食得落。而且d冰無咩奶味，再加上本身抹茶味比較苦澀，完全無哂甜味。好彩個冰入邊隱藏住個雀巢雲呢拿味雪糕，同個冰一齊食先勉強食得落肚😢。