Video
Read full review
2016-10-09
12314 views
揀左cafe express同屋企人同朋友一齊食, 要分2段時間 6至8，8：30至11點，揀左前段時間，但原來2個鐘食自助餐真係有d趕。Book左3號8大2bb,但應該好full要分2張枱，但都係隔離枱所以都無所謂， book完後係網上seach 到hktvmall 團購，正，見條款話前一日book就得，即刻打去問下係咪可以用，問左可以用講番個coupon# 或whatsapp番個coupon #去就ok,原價$458，折左後大約330一位都幾抵。當日去到見到個場真係好細，攞野食同坐既地方都係一眼望晒，野食款式都算多既。但要照顧埋大帝食野所以都無時間食勻全部。原來鵝肝要加$48先有，因為爸媽，細佬弟婦分別有膽固醇同有身孕所以都唔食鵝肝，咁我同老公同另外2個朋友想食，咁我地分左2張枱就問下可唔可以4個人加4個人唔加，但都係唔得，一加要成枱加，咁我地都算數無加，希望酒店可以改改規矩啦，一班人食飯總有d人鍾意食鵝肝有d唔鍾意食或唔食得架麻。凍海鮮有阿拉斯加鱈場蟹腳，長腳蟹腳，青口，蝦，螺，小龍蝦，鱈場蟹腳好受歡迎望左幾次都被人攞晒，每次refill都唔多，最終都係食左1轉2隻腳咁大把，但真
當日去到見到個場真係好細，攞野食同坐既地方都係一眼望晒，野食款式都算多既。但要照顧埋大帝食野所以都無時間食勻全部。
原來鵝肝要加$48先有，因為爸媽，細佬弟婦分別有膽固醇同有身孕所以都唔食鵝肝，咁我同老公同另外2個朋友想食，咁我地分左2張枱就問下可唔可以4個人加4個人唔加，但都係唔得，一加要成枱加，咁我地都算數無加，希望酒店可以改改規矩啦，一班人食飯總有d人鍾意食鵝肝有d唔鍾意食或唔食得架麻。
凍海鮮有阿拉斯加鱈場蟹腳，長腳蟹腳，青口，蝦，螺，小龍蝦，鱈場蟹腳好受歡迎望左幾次都被人攞晒，每次refill都唔多，最終都係食左1轉2隻腳咁大把，但真係好鮮甜又肉厚比起長腳蟹腳真係正好多。
蠔有2款一款法國HamaHama，一款愛爾蘭，又係多人排之選，每次攞3隻，只係食左3隻法國蠔，好細隻，少少咸味，爽口但唔甜。有2款芝士，Camembert同Blue Stilton，前者比較淡口質感軟滑，後者就咸香芝味濃郁，我鍾意後者連埋乾果一齊食。
冷盤食左煙三文魚唔會好咸，原隻風乾火腿連哈蜜瓜同蜜瓜，唔會過咸但唔夠油香都幾瘦下。生牛肉薄切食落唔會好血腥d汁酸酸甜甜都ok。牛油果芒果木瓜配日式皇后蟹肉沙律好清新，幾好味
刺身都幾多選擇，有三文魚，八爪魚，連殼甘蝦，油甘魚，鯛魚。三文魚一次俾左5，6件，但唔多新鮮，甘蝦就幾大隻同甜美。
瑞士烤芝士要搵侍應order, 可以配法包，麵包條或餅，要左法包，黎到時聞到濃烈既芝士味，味道咸香都幾好味，烤焦少少有d脆口可能仲好味。
熱盤食左百里香牛尾，個汁好濃郁，牛尾好林又有帶點膠質好味。韓式慢煮牛肋肉有d d牛 so味又係好林。日式咖哩蟹腳咖哩汁好稀同得咸味，一d都唔香咖哩味。食食下有個廚師會分每人一件蝦多士，都幾脆口唔算好油。
仲有每人一隻大閘蟹，都幾細隻無爆膏，送既係咁上下。
葡撻都仲有少少脆口，煎堆好油又唔脆，熱情果撻酸酸甜甜好味
軟雪糕都好軟滑
無得食鵝肝有d失望，仲有見d食評有即切牛肉，但無左得番即煎牛肉。
仲有即煮意粉檔，喇沙檔，pancake檔。
Post
