爭鮮迴轉壽司 (MOSTown新港城中心(4期))

Open Now

Now Closed

今日去爭鮮食迴轉壽司都幾抵食，因為每碟只8蚊， 其實之前都試過。知道佢地每兩個月左右就有新promotion， 大概會有三至五款新壽司推出不過係限時，若幾個月後再黎就一定其他新款。 佢哋堂食嘅壽司款式絕對比外賣款式多，而且如果有特別想食嘅，可以另外叫店員同廚房講整畀你，例如我哋今次就想食焦糖鮑片壽司，5-10分鐘後店員就攞俾我哋。 同埋佢哋甜品都好食，有芒果布甸,朱古力慕絲蛋糕,泡芙,同藍莓芝士蛋糕。好味!8蚊碟一個正常大人100蚊內會食得飽，但記得有啲比較矜貴嘅壽司例如厚切鰻魚,海膽就會計商店雙碟，即係16蚊啦。 同埋有限時40分鐘，大家若想約朋友敘舊吹水食飯，依度就未必啱啦!