台灣館 (Closed)

黃酒煮雞湯$138天氣咁凍，特意點哩個湯暖下身，雞湯酒味不濃烈，飲落好香，成個人立即暖曬，雞件好滑，份量又多，配埋爽口既雲耳，唔錯，哩個湯真系好適合凍凍地既天氣享用。招牌小炒王$82好多年無食小炒王喇，突然想食，韮菜花夠嫰又爽脆，腰果同蝦干咬落好香口、魷魚鬚彈牙，真系好惹味，非常適合送飯，真系無揀錯。有好多台式飲品選擇，今次叫凍朱古力珍珠，朱古力味香又濃，珍珠依然咁好咬口，朋友點咗熱菊花蜜，飲到濃濃既菊花味，微微甜，哩啲天氣咁乾燥，好適合飲哩啲咁潤既飲品。