鐵板燒紗舞縭 (Closed)

啱啱星期六去左Aeon感謝日，血拼前就去左醫下個肚先。之前幾次都係食附近一間嘅煎魚日本料理餐廳，今日經過呢間鐵板燒鋪頭見午市唔算多人有位坐，於是就揀左呢間黎試下。餐牌上有二人至四人套餐，亦有一人前套餐，仲有一啲散叫嘅鐵板燒食材可以揀。我地為左快啲去血拼，就揀左個唔駛諗嘅海陸空二人套餐。首先黎左個湯同埋一碟冷盤前菜，今日嘅前菜係味附螺肉，湯就好餙，當係濕下個口就算，螺肉就得幾舊，又係當係小食算啦！跟住師傅會喺你面前開始整你點左嘅菜式，第一樣黎嘅係炒菜，炒得好好，唔會太咸太淋，係油左啲啫，鐵板燒通常都係咁。🤦🏻‍♂️再黎就係蒜香薄荷燒蠔，蠔唔會係啖啖肉嗰隻，不過入口唔會有血腥味就算啦。跟住黎埋個黑椒炒牛肉片，普普通通咁，又係同個炒蠔差唔多，搵啲洋蔥炒埋一碟咁，不過不失啦。最後黎埋個主菜，香煎龍脷魚扒拼香煎脆皮雞脾扒，兩樣都煎得香脆，不過味道就單調左啲。總括黎講，味道算係咁，午市套餐黎講不過不失，想填飽肚子係冇問題嘅。