古早味休閒台灣 (Closed)

坐低見到呢度既午市優惠好抵，$50左右就可以有主食、小食同野飲。本身想食鹽水雞飯，貪佢多肉抵食d，下午大約一點四十分叫，就已經賣哂。於是揀左台式涼麵。涼麵味道一般，唔會好濃，有少少麻香。肉條算多，配芽菜食落爽口。炸花枝丸唔錯。跟餐加$15可以叫煉湯，黎到見到好似細碗左d，但入面湯料充足。叫左香菇雞湯，入面有一隻菇同幾舊肉，冇味精味既。跟餐有三款茶揀，全部都係冇添加糖，幾健康。揀左桂花烏龍茶，桂花味唔出，飲落似津路烏龍茶。飲品有其他選擇，選擇都多，可以補差價跟餐。不過佢d材料可能用機切，d青瓜有切口但冇切哂。見到有d失望。整體黎講幾抵食，想平價食台灣野可以揀呢間。