Video
Read full review
2018-04-23
2902 views
懶開繼續懶，出門口跳上的士由北區走到布袋澳，小睡片刻睜開眼睛，開飯喇！逛左幾間海鮮酒家，菜色供應都大同小異，普通平凡有點悶喎，既然如此就是鬼但啦！發記試過嚕，轉下場食其他，輪到海鮮島，睇睇會否有驚喜吧！望望水缸再望望菜牌，海鮮選擇不多，而且無海膽無墨魚呢，陰功豬。星期日晚市有點冷清，食客小貓三四隻，眼測張張檯 order 既菜色都差無幾。青島，隊兩杯冰凍啤酒 hot hot 口，熱定身預備開動！象拔蚌刺生，可否好似燒鵝髀一樣免切原條食架呢？刀功了得，每片厚薄均秤，排得骨子靚靚仔仔上檯。白雪雪的蚌肉水潤閃令令，立即夾片點上芥辣豉油品嚐。冰涼的感覺好舒服，爽脆鮮甜，無得頂呀！椒鹽象拔蚌膽，新鮮出爐熱騰騰地嘴嚼，炸得外脆內軟，肉質嚥韌彈彈，味道好似魷魚呢，沾上喼汁酸甜開胃。椒鹽瀨尿蝦皇，巨形大大碌，雙眼發晒光！肉質結實肥美，肉汁四射，辣椒蒜蓉味道已滲透其中，微辣惹味！豉椒炒蜆，見到隔離檯碟炒蜆賣相吸引，就試試啦。點知又係出完水先炒，雖然沒有煮到過龍，仍保持嫩滑微彈不鞋，但完全無鮮味無蜆味，縮水無肉汁，好浪費呀！蒜蓉粉絲蒸扇貝，激讚必食推介！大堆甜辛惹味蒜蓉淋上豉油連扇貝肉跣入櫻桃小嘴，舌頭翻
懶開繼續懶，出門口跳上的士由北區走到布袋澳，小睡片刻睜開眼睛，開飯喇！
逛左幾間海鮮酒家，菜色供應都大同小異，普通平凡有點悶喎，既然如此就是鬼但啦！
發記試過嚕，轉下場食其他，輪到海鮮島，睇睇會否有驚喜吧！
望望水缸再望望菜牌，海鮮選擇不多，而且無海膽無墨魚呢，陰功豬。星期日晚市有點冷清，食客小貓三四隻，眼測張張檯 order 既菜色都差無幾。
青島，隊兩杯冰凍啤酒 hot hot 口，熱定身預備開動！
象拔蚌刺生，可否好似燒鵝髀一樣免切原條食架呢？刀功了得，每片厚薄均秤，排得骨子靚靚仔仔上檯。白雪雪的蚌肉水潤閃令令，立即夾片點上芥辣豉油品嚐。冰涼的感覺好舒服，爽脆鮮甜，無得頂呀！
椒鹽象拔蚌膽，新鮮出爐熱騰騰地嘴嚼，炸得外脆內軟，肉質嚥韌彈彈，味道好似魷魚呢，沾上喼汁酸甜開胃。
椒鹽瀨尿蝦皇，巨形大大碌，雙眼發晒光！肉質結實肥美，肉汁四射，辣椒蒜蓉味道已滲透其中，微辣惹味！
豉椒炒蜆，見到隔離檯碟炒蜆賣相吸引，就試試啦。點知又係出完水先炒，雖然沒有煮到過龍，仍保持嫩滑微彈不鞋，但完全無鮮味無蜆味，縮水無肉汁，好浪費呀！
蒜蓉粉絲蒸扇貝，激讚必食推介！大堆甜辛惹味蒜蓉淋上豉油連扇貝肉跣入櫻桃小嘴，舌頭翻滾一下，厚厚白滑的肉質一咬爆汁，熱燙燙美味非常，餘韻甜甜帶子味醒腦開胃，好有添食的衝動！點解要將粉絲剪到又短又碎呢？搞到口感大打折扣。
魚湯伊麵，無得食海膽炒飯，勁失望呀！唯有試個魚湯伊麵。堅係魚湯黎喎，味濃香噴噴夠清甜，真材實料唔係濃湯寶黎架喎！伊麵質地爽彈滑滿意，吸收魚湯撈埋炸蒜一齊食勁香口，兩三下掃晒落肚，滿足滿足！食飽飽仲有免費專車送去坑口地鐵站，Good！
青島
64 views
0 likes
0 comments
象拔蚌刺生
66 views
0 likes
0 comments
椒鹽象拔蚌膽
101 views
0 likes
0 comments
椒鹽瀨尿蝦皇
49 views
0 likes
0 comments
豉椒炒蜆
29 views
0 likes
0 comments
蒜蓉粉絲蒸扇貝
27 views
0 likes
0 comments
魚湯伊麵
28 views
0 likes
0 comments
Post
