意粉屋 (Closed)

平安夜約左好朋友一齊食聖誕大餐同交換禮物！話說當日公司提早放工，三點就走得，咁早有時間就去剪個髮先！就係荃灣一帶！一早我地都無諗定食咩，就打算邊到有位就係邊到食啦！你知大時大節最難搵位家啦！行經見到意粉屋就決定食佢啦，諗住早啲食唔洗等位，點知有通告6點先開！咁就行下再返去，我錯啦，應該唔好走，一早排隊，前面已有幾十人排緊！還好到我地時仲有位！😁😁😁😁入坐時，服務員有提醒，因為聖誕節所以只做dinner set!無得散叫，無得食煙斗粉啦😭😭😭😭好吧！聖誕節就將就一次啦！😊😊😊 餐湯！本身係龍蝦湯啦，但我地都想飲有酥皮既就加左啦！好好味！👍🏻👍🏻👍🏻跟住揀左二款主菜！ 龍蝦 煙三文魚鮮果沙律呢個本身都有食家，但聖誕節就多左龍蝦及下面配有少少蛋沙律！咁既配合又幾夾喎！ 另一款！帶子卡邦尼意粉帶子都幾甜！仲係唔係全熟！好味！但個卡邦尼汁有點怪怪的！可能我個心仲係煙斗粉到😥😥😥😥 最後有一杯野飲，雖然食物款少，但我地二人都食到好飽同好滿足啦！