稻香 (新都城中心) (Closed)

屋企久不久都會搞下家庭聚會，家中長輩選了將軍澳的稻香，說閒日一圍都係千零蚊，有龍蝦又有乳豬，幾抵食！龍蝦個芡雖然多咗啲，但龍蝦肉夠新鮮彈牙而且都份量幾多。如果芡汁少返d就更值得推介。燒豬的size介乎乳豬和中豬之間。難得的是不肥膩，最怕見到一大舊肥膏夾係中間的肥騰騰乳豬。依只豬幾瘦而且肉質結實，外皮燒到卜卜脆非常好吃，滿分誠意推介！！燒雞都整得幾好，首先味道不會過鹹。外皮燒得香脆但不油膩，而內裡的雞肉依然保持嫩滑多汁，同樣是十分出色之作。千零蚊一圍菜，當中有三道菜如此出色，而其他亦不過不失，絕對抵食性價比極高！