小叻沙 (Closed)

食舖正正位於利舞臺對面， 食舖可以話係佔盡地理上嘅優勢，吸引街外客逛完街找個地方歇一歇。食物質素不是太標清。今次叫扎肉喇沙，摻摻麵底，姐係一半係米粉，一半係油麵。本人覺得食落口感有啲怪，喇沙湯唔能夠同麵底互相配合，所以我建議一係就全米粉，一係就全油麵，純粹個人口味。另外，湯底好一般。雖然唔講得上係差，但就唔係有水準。佢不但沒有香濃嘅椰香，而且欠缺喇沙獨有鹹鹹甜甜嘅味道。至於扎肉，可以話係中規中矩，胡椒粒令扎肉更香，係有提升嘅作用。其他配料，例如蛋、豆卜同青瓜絲就無咩特別可以多講。