港灣薈 (Closed)

有親戚住係南昌附近，諗住去試一試呢邊D茶樓，見佢11點前都有早茶，過去試試。坐底感覺坐位好闊落比起傳統酒樓，但係員工係完全唔夠，個日10:30去到，但都好多人。開個茶都等左10分鐘。叫左2個孖寶都配飯，上枱又足足等左30分鐘，但好彩個飯係好熱。鳳爪排骨飯- 排骨入口一樣都係鬆肉粉味，不過唔算好重，鳳爪蒸唔係好透，仲有少少硬。咸魚肉餅飯- 咸魚係梅香，質素唔錯，但肉餅成舊膠咁，落太多粉整。整體個飯係蒸得幾好，係D料差D。春卷水準平平，食左2舊先記得影相。4樣入面最好係呢個鮮蝦菜苖餃，皮睇得出都幾薄，蝦大大隻。