老地方 (Closed)

去完大埔醫院探病，就行返落去大埔中心搵食，醒起之前嚟過一間又平又好味嘅餐廳就介紹老公嚟食。一入去就見到每周特價餐牌，就叫咗個滷水豬腸，只是＄15 ,熱辣辣，有冧又好味。菠蘿炒飯嘅味道不錯，夠足料，仲有啲星洲炒米呀嘅味道。番茄豬扒飯唔使＄40都好大碗，豬扒都幾大塊，煎得好香，又夠冧，番茄汁都香濃。飲品方面，有雪糕嘅朱古力，見到都流晒口水，好吸引，荔枝乳酸係用一支益力多黎整架，味道調得好正，我會推介！環境裝修得非常可愛，有人手畫嘅牆畫，令人有家嘅感覺，只是冇耳背嘅座位，坐得冇咁舒服。