焱一

Open Now

Now Closed

居酒屋梗係要飲凍野同食小食串燒啦，朋友由細到大都住附近所以搵到呢間最近新開既串燒屋，店員招呼溫文有禮，先點左海苔炸魷魚🦑，用紫菜炸成既外皮香脆，魷魚口感啱啱好，夠彈牙有嚼勁，但又好夠稔能夠輕易咬開，證明廚師都好有經驗，串燒我哋點左秋葵、銀杏、鮮冬菇、芝士帶子、雞冠同風箏雞翼，想講個風箏雞翼真係名符其實，真係整到好似風箏🪁表皮燒到微焦可口，芝士帶子大大隻，帶子質感嫩滑，芝士醬味道濃郁，其他串燒個調味都恰到好處，要椒鹽有椒鹽，要辣粉有辣粉，主菜蟹膏炒飯配自家製免治雞肉棒，雞肉棒好好食，炒飯仲有日本生雞蛋撈埋一齊，大量蟹膏醬，非常足料，飲品則推介信州蘋果梳打，以及晴王麝香葡萄梳打，串燒配梳打係完美啊😍