夢工房西日料理 (Closed)

呢一間日式放題，之前都食過，勝在款式多，環境好，黃金時段價錢都唔貴。日式放題好唔好食，第一大重點就係睇過刺身，呢度嘅刺身你take幾多件，佢就會嚟幾多件，全部都好新鮮又夠厚切。我最鍾意食嘅甜蝦就係原隻上。咁嘅價錢有新鮮嘅刺身食已經值回票價。其他好多放題有嘅食物，呢度全部都有。我就講吓啲比較特別嘅，呢個燒汁肥牛十足有牛丼的感覺，份量唔會好多，牛又唔會太油膩。呢度嘅壽司同埋卷物都係有平均嘅水準以上嘅，推薦炙燒和牛壽司，鰻魚壽司，左口魚壽司，同埋佢最出色嘅松露帶子壽司，松露味夠香帶子又夠厚切。全部嘅壽司同埋手卷飯量唔會太多，唔會食到大家飽飽濟濟。炸物亦都係放題嘅另一大重點，除咗有必食嘅蝦天婦羅同蔬菜天婦羅之外，佢有幾樣特別嘅例如炸餃子，炸雞翼，炸紫薯波波，炸蘿蔔絲等。好多放題嘅甜品都係普通雪糕任食，呢度就唔同啦有好多款唔同嘅牌子嘅雪糕雪條，包括呢隻香港品牌嘅雪糕就唔係度度都有得食啦，我最鍾意就係呢隻海鹽味嘅雪糕。另外任叫任食嘅仲有綿綿冰，牛奶味上面仲有啫喱同埋朱古力幾特別。