豊勝手丼 (Closed)

今日食呢間一直想試好耐又非常出名嘅勝手丼店，一試難忘決定要留個好評分享下。呢個地方雖然唔算大但空間感十足，坐落去都好舒服仲有陽光照射。一行入嚟已經見到門口有個木牌寫住歡迎任添日本壽司飯，對於非常愛吃飯嘅我覺得好吸引。我哋一開頭嗌左個簿燒牛肉沙律做頭盤，冇諗過有咁多牛肉，沙律菜非常爽口，倒啲燒汁落去好夾，酸酸甜甜非常開胃，牛肉算係入口即溶，亦都夠厚好有好感。啱啱好食完就即刻嚟咗兩個今日嘅重點——贅沢蟹丼同廚師發板丼。蟹丼入面嘅蟹肉絲、蟹膏同飯既比例幾乎係1:1，非常足料，蟹肉亦都好鮮甜，啖啖肉，食完個口都有一絲絲蟹膏味，配啖茶將個蟹味跟上一層樓作為蟹刺身嘅忠實粉絲，忍唔住嗌多個蟹甲羅燒，個蟹蓋入面非常多蟹肉絲同埋非常濃烈嘅蟹醬，配埋魚絲口感無得彈😋😋👍🏽建議大家唔使慳住啲蟹膏食，我哋兩個人分食極都食唔晒，好滿足！雖然最後都冇添加飯，但已經好滿足，份量和質素絕對對得住個價錢，絕對值得一試。