Video
Read full review
2017-11-29
635 views
家住附近,一早已留意到呢間新開既日式餐廳。裝修簡潔,掛畫好有日本風。座位不多,但都挺舒適。因為餐廳還在試業中,營業時間只有6小時。中午12-3,晚上6-9。如果唔係咁啱放假都無緣光顧。是日刻意選中午2點多左右入內光顧,避開午市人潮。看了看餐牌,有大概10款定食。價錢大概$58-$88。以呢區黎計算價錢適中。今次老公點左壽司定食我就點左鰻魚飯定食。一份壽司定食只是$58。老公話好抵。有5件壽司,一碗腐皮烏冬,沙律,前菜及蒸蛋。老公話d壽司飯好食,醋味適中。可惜，烏冬質感有點欠缺彈牙,湯底有點淡。不過以壽司定食來説才$58,仲想點??到我既鰻魚飯黎到,我抱住即管一試既心態咬了一口,馬上眼前一亮!鰻魚好有鰻魚味,魚肉有咬口,最重要一D都唔腥又無咩骨!係香港,我就真無咩點食過咁既價錢但又唔腥又好食既鰻魚飯,真係拍得上係日本食既鰻魚!最重要不過係$88！！？？細心既店員落單時問我要唔要加飯,飯桶既我緊係話要啦～珍珠米配上啱啱夠既鰻魚汁，簡直一絕。比同區某間出名食長長鰻魚飯既果間餐廳的更讚。食埋定食跟配既滑滑茶碗蒸蛋。我飽到已經飲唔落加6蚊1支細汽水。埋單$152。又抵又好食。老公同我都覺得以後放
因為餐廳還在試業中,營業時間只有6小時。中午12-3,晚上6-9。如果唔係咁啱放假都無緣光顧。
是日刻意選中午2點多左右入內光顧,避開午市人潮。
看了看餐牌,有大概10款定食。價錢大概$58-$88。以呢區黎計算價錢適中。今次老公點左壽司定食我就點左鰻魚飯定食。
一份壽司定食只是$58。老公話好抵。有5件壽司,一碗腐皮烏冬,沙律,前菜及蒸蛋。老公話d壽司飯好食,醋味適中。可惜，烏冬質感有點欠缺彈牙,湯底有點淡。不過以壽司定食來説才$58,仲想點??
到我既鰻魚飯黎到,我抱住即管一試既心態咬了一口,馬上眼前一亮!鰻魚好有鰻魚味,魚肉有咬口,最重要一D都唔腥又無咩骨!係香港,我就真無咩點食過咁既價錢但又唔腥又好食既鰻魚飯,真係拍得上係日本食既鰻魚!最重要不過係$88！！？？細心既店員落單時問我要唔要加飯,飯桶既我緊係話要啦～珍珠米配上啱啱夠既鰻魚汁，簡直一絕。比同區某間出名食長長鰻魚飯既果間餐廳的更讚。
食埋定食跟配既滑滑茶碗蒸蛋。我飽到已經飲唔落加6蚊1支細汽水。埋單$152。又抵又好食。
老公同我都覺得以後放假拍拖又多個選擇了。希望餐廳會一路保持水準!
Post
