Burger Kitchen (Closed)

今晚經過大埔同朋友一齊食嘢， 見到大家都有啲肚餓，而喺大埔區雖然唔係太多西餐廳畀我哋選擇， 見到呢一間專食漢堡包嘅餐廳咁我哋就行入去試下。大隻佬漢堡: 呢一個漢堡内裏D洋蔥啲味鮮甜、 多芝士、 煙肉超好味 而且內裏好多蔬菜 幾清甜同埋蕃茄亦都好新鮮， 而且包入面有好大隻嘅蛋， 比起一般漢堡包大份啲，同埋佢個包都好鬆脆。 所以我覺得呢一個漢堡包係店內鎮店之寶。 個burger 餐係配埋個薯條，薯條好大條，係用大薯仔切條，Yum yum 😋 燒帶子墨魚汁意粉: 每一口意粉都充滿住墨魚汁味，另外佢個帶子亦都燒得恰到好處，唔會太熟又唔會太生，最緊要係個意粉好夠熱，非常感受到店主對食物嘅要求。除咗漢堡包之外呢個意粉，我個人亦10分喜歡。藍莓沙冰： 藍莓沙冰呢一個我覺得都好好飲，因為佢個沙冰磨得好幼細同埋充滿藍莓味，食完個漢堡包之後飲杯沙冰個人特別提神。最後我覺得喺大埔都有高質素漢堡包西餐店，最緊要價錢又唔貴，我下次經過大埔都一定會去再試佢地其他burgers😊