Video
Read full review
2024-08-17
873 views
觀塘商廈又有大驚喜！蕃薯妹最愛嘅關西風壽喜燒，竟然喺呢度有一間專門店，以平民價可以食晒成個套餐，由前菜刺身到主菜都一絲不苟，$558就可以食到超級豐富嘅壽喜燒套餐！食盡宮崎和牛三個唔同部位！成個套餐份量都好夠！大滿足😍🥰🐮Sukiyaki壽喜燒套餐 $558/一位❥前菜三點❥茶碗蒸❥宮崎和牛精選部位3款❥自選部位1款❥雜錦天婦羅❥冷蕎麥麵❥舞茸海鮮清湯❥甜點▫️首先佢哋嘅清茶係冷泡白桃烏龍茶，我覺得清淡得來好重白桃味，好飲。▫️是日前菜三點包括：昆布漬赤蝦配魚子醬、帆立貝刺身配三文魚子、兵富縣室津地區生蠔，呢個前菜真係好有驚喜，全部都好新鮮好鮮甜，特別係個生蠔，海水味適中，蠔味重又肥美。▫️茶碗蒸加咗海膽、蟹膏、蟹肉，啖啖鮮味🤤蒸蛋都好滑溜。▫️戲肉係宮崎和牛，精選3個部位包括肉眼、西冷、沙巴當。 肉眼部位油脂比較豐富，入口即溶；西冷油脂分布平均牛味較重；沙巴當係牛嘅前腿肉部位比較特別，油脂分布亦都係比較平均，牛味比較重，肉質較爽口。 ▫️隨壽喜燒奉上日本蛋及珍珠飯，牛肉沾點日本蛋後更加嫩滑。另外亦有蔬菜拼盤，包括豆腐、冬菇、日本大蔥、洋蔥、芋絲、春菊..等等。蔬菜拼盤佢哋都煮得好好。▫️整個煮壽
觀塘商廈又有大驚喜！蕃薯妹最愛嘅關西風壽喜燒，竟然喺呢度有一間專門店，以平民價可以食晒成個套餐，由前菜刺身到主菜都一絲不苟，$558就可以食到超級豐富嘅壽喜燒套餐！食盡宮崎和牛三個唔同部位！成個套餐份量都好夠！大滿足😍🥰
🐮Sukiyaki壽喜燒套餐 $558/一位
❥前菜三點
❥茶碗蒸
❥宮崎和牛精選部位3款
❥自選部位1款
❥雜錦天婦羅
❥冷蕎麥麵
❥舞茸海鮮清湯
❥甜點
▫️首先佢哋嘅清茶係冷泡白桃烏龍茶，我覺得清淡得來好重白桃味，好飲。
▫️是日前菜三點包括：昆布漬赤蝦配魚子醬、帆立貝刺身配三文魚子、兵富縣室津地區生蠔，呢個前菜真係好有驚喜，全部都好新鮮好鮮甜，特別係個生蠔，海水味適中，蠔味重又肥美。
▫️茶碗蒸加咗海膽、蟹膏、蟹肉，啖啖鮮味🤤蒸蛋都好滑溜。
▫️戲肉係宮崎和牛，精選3個部位包括肉眼、西冷、沙巴當。 肉眼部位油脂比較豐富，入口即溶；西冷油脂分布平均牛味較重；沙巴當係牛嘅前腿肉部位比較特別，油脂分布亦都係比較平均，牛味比較重，肉質較爽口。
▫️隨壽喜燒奉上日本蛋及珍珠飯，牛肉沾點日本蛋後更加嫩滑。另外亦有蔬菜拼盤，包括豆腐、冬菇、日本大蔥、洋蔥、芋絲、春菊..等等。蔬菜拼盤佢哋都煮得好好。
▫️整個煮壽喜燒嘅過程都係由店員負責，大家可以即席欣賞壽喜燒烹調過程，我好鍾意食關西風嘅壽喜燒，首先煎香和牛再落醬汁，牛油味迫晒出嚟超級好食！
▫️食晒3個部位之後，可以自選一個自己鍾意嘅部位再食多一次😍😍 我哋都鍾意入口即溶嘅口感，再次揀咗肉眼。冇乜邊間壽喜燒餐廳可以自選多一次部位，但係唔需要加錢，我覺得呢個可以係整個套餐嘅賣點。
▫️雜錦天婦羅包括炸蝦、番薯、鱚魚、蓮藕。 炸得相當酥脆，高質。冷蕎麥麵一同奉上，冷麵汁同時係沾點天婦羅嘅醬汁。
▫️甜品今次有豆腐雪糕或者開心果奶凍，我哋都一齊揀咗豆腐雪糕。豆腐味香濃，雪糕好奶滑。
▫️其實呢個餐我食晒所有牛之後已經飽咗😂所以真係好夠食！呢個價錢可以食到嘅和牛份量咁多，而且其他菜式都咁高質，真係超抵食！寫完篇文我已經想再去食過😂
💵加一服務費，每位加一後約$613。
Post
