LA Restaurant & Dessert Bar (Closed)

平時睇Gordon Ramsey 嘅 wellington beef睇得多，但係喺香港輕輕食一客都要$300-400。今次搵到一間隱世小店平民超貼地價錢就可以試下呢道菜式，同Michelin 3星又有咩差別呢？做得好嘅威靈頓牛扒小編成日食，最緊要外面皮夠脆，但內裡嘅牛扒又要保持medium rare，最考工夫就係鎖住肉汁之餘切落去皮肉又唔可以分離。平民小店嘅手藝唔錯，但落刀一切發現皮肉散開咗，另外medium rare overcook 左, 起碼有八成熟，不過一般香港食肆嘅牛扒好似都係自己叫嘅熟度+20%，已經見慣不怪，反正呢一個價錢有呢個質素，性價比已經好高，但嘴刁嘅朋友仔可能會唔略嫌唔夠功力。反而另外一道burger就相當唔錯，可能威靈頓牛扒始終太考功架，但係一般cafe嘅菜式就完全handle 到，仲幾好食添！😋