車品品小食 (Closed)

簡單平民既小食，配上貴族級食材，絕對可以創造一個傳奇。如果要數香港地最有性格食肆，相信一定會有大角咀呢一間超有特式既車仔麵店！店鋪裝修簡單，食物卻甚有水準；由平民食既車仔麵碗仔翅至中產既鮑魚鵝肝魚翅撈飯都有，你都咪話唔過癮！干邑溏心鮑魚$40隻，$78 （2隻），$113 （ 3隻），大連吉品鮑，入口有淡淡干邑酒味，咬下去腍滑中帶嚼勁，味道一流！蝦籽鲁肉餃8隻($44),4隻($26)- 入口佈滿順德斗門河蝦籽，散發出鹹香味道，感覺置身於海邊，餃子皮較滑，魯肉餃餡內有五花腩味道帶甜而蝦籽帶鹹香，兩者味道互相平行！竹笙翅$30-最討厭吃漿糊的芡汁，如湯羹和碗仔翅﹐但這裡的碗仔翅濃稠適中，沒有漿糊的感覺，而且用料大足有竹笙，菇絲﹑木耳絲﹑肉絲﹑粉絲等等⋯⋯招牌大雜麵$53－車仔麵超足料，食材質素仲好好tim！蘿蔔要幾甜有幾甜；牛腩、豬腸、雞翼尖，全部用鹵水處理過，甜甜地又唔太咸，十分開胃，不過唔喜好甜食既朋友就要注意喇！評分：（以5個＊為滿分）味道：＊＊＊＊服務：＊＊環境：＊＊1/2大角咀埃華街92號星期二至五: 14:00-16:00; 18:30-23:30; 星期六、日: 14:00