一本食堂

Open Now

Now Closed

叫左5款食物，人均連加一都係約 $200，晚市日本餐黎講算幾抵! 最近仲要一幫襯晚市就有雪糕送! 今次送港式奶茶味!🔸鮮帶子刺身 (8片) $65帶子以檸檬片相簡，入口帶檸檬香，肉質軟嫩，呢個價錢，無慾無求啦!🔸泰式海虎蝦刺身 $98其他餐廳普偏 $100起跳，呢間仲一碟有10隻，算抵! 虎蝦厚身，入口帶點鮮膠質，必沾佢既泰式辣醬! 酸辣開胃!🔸特長燒鰻魚壽司 $30/件推薦!!仲長過我手掌! 鰻魚厚身，外皮佔左一半有多，就知佢幾肥😂食落彈牙，絕對唔係平時超市賣既急凍貨。🔸香芒芥末醬脆脆卷 (8件) $58外層沾上木魚碎，少見既組合😂入面包左三文魚、青瓜絲同炸米粉脆脆，口感豐富。🔸清酒煮蜆 $87蜆肉算大隻又漲卜卜，湯頭清甜，帶微微酒味。