泰角海南雞 (Closed)

行開旺角嘅都知，女人街除左係遊客天堂之外，其實兩旁都有好多特色小店，今日行過見到呢間泰國野未試過，於是就走去試下啦！冬陰公湯($58)味道同平時食開嘅唔同，比較重香料味，𥚃面有2隻蝦，蝦嘅肉質彈牙，飲落都幾醒胃泰式海南雞飯($48)雞肉算滑，油飯有驚喜，平時食開嘅都係比較乾身，呢個淋得黎又有油香，其他地方比較難食到呢種感覺😂泰式船麵($50)船麵響泰國係一種價廉物美嘅食物，主要賣俾船上面嘅工人，因而有呢個名出現；而正宗嘅船麵係細細碗，目的避免係船上面打瀉，呢間嘅船麵就係正常香港size，所以又唔洗特別加大嘅😎材料就有肥牛同牛丸，湯底味濃，肉味重，加左九層塔，令成個味道帶出左d鮮味青檸梳打($12)Like左舖頭instagram而送嘅春卷熱辣辣，脆卜卜，好食舖頭細細，不過充滿着人情味，幫我落單嘅男店員(其實可能係老闆😂)，超級用心咁介紹唔同嘅菜式😂食到一半又問我覺得點，服務好到有d嚇親😂話曬我呢個吃貨正職都係做服務業，自問仲係職場新鮮人嘅時候先有呢團火咁對客，真係有啲受寵若驚😂😂