亞泰

Open Now

Now Closed

話咁快就九月了，可以去享受陽光與海灘嘅時光就快過去，一定要好好咁抓住夏天的尾巴😂。講起夏天，講起陽光與海灘，第一時間就諗起泰國，雖然依家出唔到去旅行，不過都可以去食泰國菜止止痕🤣。。冬陰海南雞船河個湯底都幾濃郁，好有冬陰功嘅味道🙈，不過個海南雞嘅肉質就爭少少，唔夠嫩，但係都好食到個雞味，整體而言不過不失👍🏻。。碳燒泰式豬頸肉豬頸肉燒得非常之焦脆，食落好有碳香味，肉質彈牙，份量十足😆。。古法馬沙文咖哩牛腩個咖喱冇乜特別，比起紅咖喱青咖喱，少咗辣味同鹹味🤔，不過個牛腩就幾唔錯，牛筋非常之彈牙，唔且牛腩亦都煮得好淋👍🏻。。泰式明爐烏頭熱辣辣咁上，熱辣辣咁食，成條烏頭展現喺我眼前😆，魚肉夾開完全唔會散，而且酸酸鹹鹹好入味，食到停唔到口，唔覺唔覺成條烏頭就咁食咗落肚😝。。泰式串燒分別豬肉及雞肉各兩串，豬肉非常之好食，本身嘅調味好出色，在點上佢嘅沙嗲汁，好正😚。雞肉略為遜色一點，其實都唔係差，不過肉質口感上同豬肉串比就爭少少🤔。。馬拉盞炒椰菜苗平時每一次都係食通菜，今次轉下口味食椰菜苗😜，椰菜苗比較實，咬落更加有口感，而且佢嘅馬拉盞味好出😋。。亞泰 (將軍澳)將軍澳康城路1號The LOHAS3樓