Video
Read full review
2022-08-27
915 views
周年紀念，想搵間供應 fine dining 嘅餐廳同另一半好好慶祝，友人提議我試下呢間主打傳統地道菜餚嘅法式小館「Solé」。餐廳坐落於九龍灣 Mega Box 5 樓，店舖地方頗大，佔地甚廣，裝修優雅，以法式園藝風作設計，充滿浪漫氣息，好適合情侶約會談心。餐廳主打經典法菜，另外亦有一些歐陸及 fusion 菜式供應。我哋點左個晚市二人餐 ($588)。點完餐後，服務員便隨即為我倆送上餐前小食，今日嘅餐前小食係蜜糖烤南瓜，南瓜肉香甜綿密，配上蜂蜜，入口即融。旁邊嘅沙律菜食味亦不俗，新鮮爽脆。Appetizer 二選一，揀左法式焗蝸牛，蝸牛用香蒜嚟焗，大大隻、熱力逼人，入口肉質好鮮嫩，帶濃郁蒜蓉牛油香，再配以底部嘅薯蓉，多重滋味，令人齒頰留香。餐湯點左 Daily Soup 同經典法式洋蔥湯各一，是日精選湯為甘筍湯，湯身熱辣辣，纖維幼細，入口濃稠香甜，很不錯，用嚟配餐包吃，很美味。洋蔥湯以三種洋蔥慢煮熬成，入口散發住陣陣洋蔥嘅自然香甜。面頭嘅法式麵包吸滿了湯汁，配埋頂層塊芝士一齊食，味道咸咸香香，惹味又有營養。主菜點了菠菜蘑菇烤鱈魚 同 油封烤鴨配法式雜菜薯角伴香橙醬汁。鱈魚扒有兩大塊
周年紀念，想搵間供應 fine dining 嘅餐廳同另一半好好慶祝，友人提議我試下呢間主打傳統地道菜餚嘅法式小館「Solé」。
餐廳坐落於九龍灣 Mega Box 5 樓，店舖地方頗大，佔地甚廣，裝修優雅，以法式園藝風作設計，充滿浪漫氣息，好適合情侶約會談心。
餐廳主打經典法菜，另外亦有一些歐陸及 fusion 菜式供應。我哋點左個晚市二人餐 ($588)。
點完餐後，服務員便隨即為我倆送上餐前小食，今日嘅餐前小食係蜜糖烤南瓜，南瓜肉香甜綿密，配上蜂蜜，入口即融。旁邊嘅沙律菜食味亦不俗，新鮮爽脆。
Appetizer 二選一，揀左法式焗蝸牛，蝸牛用香蒜嚟焗，大大隻、熱力逼人，入口肉質好鮮嫩，帶濃郁蒜蓉牛油香，再配以底部嘅薯蓉，多重滋味，令人齒頰留香。
餐湯點左 Daily Soup 同經典法式洋蔥湯各一，是日精選湯為甘筍湯，湯身熱辣辣，纖維幼細，入口濃稠香甜，很不錯，用嚟配餐包吃，很美味。
洋蔥湯以三種洋蔥慢煮熬成，入口散發住陣陣洋蔥嘅自然香甜。面頭嘅法式麵包吸滿了湯汁，配埋頂層塊芝士一齊食，味道咸咸香香，惹味又有營養。
主菜點了菠菜蘑菇烤鱈魚 同 油封烤鴨配法式雜菜薯角伴香橙醬汁。
鱈魚扒有兩大塊，每件都非常厚身，分量十足。魚皮煎得很香口，咬下脆卜卜，魚肉嫩滑有魚油香，伴上龍蝦汁，啖啖都有魚肉同龍蝦嘅鮮味，刺激食慾。
鴨髀以自家油封方式炮製，食落肉質好豐厚，油脂香味濃郁，入口皮脆肉嫩，鹹度亦啱啱好，絕對無蓋過鴨肉嘅鮮香，配上甜美嘅香橙醬汁，幸福感滿滿。伴吃嘅薯角亦讓人頗感驚喜，外脆內軟之餘，薯味亦非常濃郁，入口不油不膩。
套餐包餐飲，另外甜品就點左雜莓芝士蛋糕 ($56)，件蛋糕質感唔錯，輕盈濕潤，芝士味濃得嚟又唔膩滯，入口帶淡淡焦香，非常美味，為這頓晚餐完美作結。
Post
