牛八和牛燒肉屋 (Closed)

每次商場新開嘅食肆都會掀起排隊熱潮，加上午餐見到都係50至100蚊內，都幾吸引，所以就排下一隊。我都等咗大概三十分鐘，可能新開人手不足而，且有比較多客人。入到去落完單，反而 食物嚟得好快，五分鐘內已經到齊曬。真係冇諗到，我叫咗牛肋肉拼牛肩肉，覺得呢度嘅牛肉肉質都係非常一般，唔係美味嗰隻燒肉，但呢個價錢都不能期望太多。另一個餐叫咗豬肉拼雞肉，佢係豬頸肉同埋雞肉。雞肉都ok嫩滑，豬頸肉就砌得過厚，太大條，以致燒好耐先熟，燒得太耐又變硬。對於我呢個燒肉達人嚟講，覺得佢哋啲肉質麻麻，而且厚薄不一。 有進步空間。午市套餐係平民價，不過食咗一次之後都未必會食第二次啦。