卡莎338 (Closed)

睇完戲同朋友食個快飯，朋友仔帶我去呢間西餐廳。門面唔算好有排場，但睇得出食物的種類好多。裡面裝修唔算好輝煌，但都見有一番心思。比我留意到原來呢度有兩樣嘢好抵食，第一款係生蠔，第二款係豬手拼盤。原來豬手拼盤係要預訂，我諗下次要早啲打電話來。生蠔的價格都幾相宜，豐儉由人。值得欣賞的是四種都係法國蠔，係我杯茶。我地揀左中價位果兩款，上枱都幾靚仔，大隻厚肉。法國蠔的特性就係味道比較龍，呢兩款都唔例外，而且海水味較重。除咗呢啲推廣食物之外，其實二人餐都幾抵食， ＄398就有好多款的食物。套餐有齊餐湯同麵包。小食拼盤唔算十分精彩，但勝在種類多。和牛好大件，足夠幾人分享。美中不足係調味方面差咗啲啲，味道唔夠突出。伴碟的薯菜份量都好多，絕對係好適合分享的一道菜。豬手半隻已經好多，啖啖肉，配上酸菜同醬汁一流。豬手層次分明，皮、膏、肉口感各有不同。除咗套餐之外，我哋仲單點左一個意粉，估唔到意粉都係咁大份。Cabonara醬汁夠濃夠杰，沾滿意粉定到口感好豐盈。整體食物質素合格，但性價比非常高。每人都唔使＄200，就已經可以食埋生蠔，都不失為一個好去處。