新南苑雞煲小菜點心 (Closed)

呢間街坊飯堂早午市一盅兩件或快餐，晚市小炒😎 約埋三，五知己或家人飯局最適合，平靚正之選🤩黃蟮煲仔飯$108好少餐廳有供應，見到餐牌有即刻落單先，果然冇失望，超大煲，目測有4碗白飯份量，黃蟮處理得好好，肉質扎實彈牙，煲仔飯炒到粒粒分明好惹味，鑊氣十足，值得推介👍避風塘炒茄仔$88餐廳特色菜，平時食避風塘炒蟹，今晚試吓茄仔又好特別，外脆內軟加上炸蒜同豆鼓粒，味道適中又香口😎XO醬西蘭花炒帶子$88帶子夠大隻，炒西蘭花清清地，唔錯👍維他奶紅豆冰$24紅豆冰就飲得多，今次用維他奶代替，真係有心思🥰