意日菜 (Closed)

旺角lunch time食咩好？選擇多蘿蘿啦！中，西，日乜都有呀，我自己就中意去女人街呢間意日菜食，無他既，因為平，靚，正！餐廳唔係好大間，如果想長d時間坐下傾下計就唔好啦，因為都迫迫地同埋窄窄地，今日食左焗葡汁雞皇意粉，呢個套餐有湯有飯有野飲，又唔使加一真係好抵！話晒焗飯時間都需要15分鐘，份量一般，女仔黎講係夠既，葡汁甜甜地幾好味，汁又多，用晒黎送飯真爆！雞皇係雞扒，食時方便快捷好多，有d係用雞胸，比較麻煩，呢度用雞扒好處係好滑，雞肉又嫩又滑∼呢個係焗飯，葡汁焗得有d焦，焦焦的葡汁仲有d脆口，特別！提一提，lunch time去一般都要等10-15分鐘先有位，太趕就唔好考慮呢！