民康小食

Open Now

Now Closed

剛剛好要去紅磡觀音廟還神，還神正剛好12時左右，又係要醫肚時候，我知道近馬會附近有一間好好味嘅車仔麵，就係民康小食喇!!!當然食車仔麵係要自己搵位，自己去買啦……..個日我叫咗4個餸，油麵加豬紅，豬皮，蘿蔔，牛肚。而另一碗叫咗河粉加冬菇，魚肉條同蘿蔔。其實每當叫完晒D嘢食，個老板好自動波問客人要唔要辣，要唔要腩汁，好好服務，雖然呢度食嘢係好平，但D員工都好好服務，正呀!!! 首先講下我食個碗油麵加豬紅，豬皮，蘿蔔同牛肚，本人覺得食車仔麵一定係要配油麵，真的唔知點解咁諗，個度D豬紅，豬皮，蘿蔔同牛肚都好入味，尤其是D豬紅，不過我覺得D豬紅略為細咗一D，仲有個日D蘿蔔有少許梗一點，可能未煮得太林，但so far都ok。而另一碗我只試過魚肉條，好味，又好入味。至於價錢呢２碗嘢加埋平到你唔信，係＄３９蚊，你冇睇錯係真係＄３９蚊。